મારું બ્લોગ-ભ્રમણ

વેબ ગુર્જરી http://webgurjari.in/ તરફથી મને લખવાનું આમંત્રણ મળ્યું અને પછી આરંભાઈ મારી બ્લોગ-યાત્રા.

આમ તો હું આને શોધ-યાત્રા કહીશ કેમ કે,

આ સફર શરૂ કરી પછી એહસાસ થયો કે લોકોના મનમાં કેટ-કેટલું હોય છે, રોજિંદી જિંદગીમાં તો આ બધું અકથ્ય રહે છે પણ શાબ્દિક વાચા આપ્યા પછી વ્યક્તિની સંવેદનાઓ વધુ ઓળખાય છે.
વિચાર આવે કે જે લખી શકે છે એને તો આપણે ઓળખી શકીએ છે પણ જેની લાગણીઓ બધી જ રીતે અકથ્ય રહી જાય છે એમના હૈયાઓમાંય કેટલું વલોવાતું હશે ને!!!

એટલે આ સફરમાં મને ઘણાં લોકોના મનમાં ઝાંકવાની તક મળશે. ઘણાના વલોવાયેલા હૈયાને શબ્દોથી સ્પર્શવાની તક મળશે. ટુંકમાં માણસની સંવેદનાઓને વધારે નજદીકીથી ઓળખવાની તક મળશે તો એક શોધ-યાત્રા જ થઈ ને…!!!

જેમ જેમ સફર આગળ વધતી રહેશે એમ એમ અહીં લિંક મુકતી રહીશ.

પહેલી સફરઃ

૧) અસર
૨) કુરુક્ષેત્ર
૩) બઝ્મે વફા

http://webgurjari.in/2013/04/02/blog-parichay/

બીજી સફરઃ

૧) ગુજરાતી નાટક
૨) શબ્દપ્રીત
૩) બસ એ જ લિ. યુવરાજ

http://webgurjari.in/2013/04/24/blogparichay-3/

ત્રીજી સફરઃ

૧) ગદ્ય સર્જન
૨) પ્રશાંતની રચનાઓ
૩) ઉદ્દેશ
૪) જિપ્સીની ડાયરી

http://webgurjari.in/2013/05/03/blog-parichay-2/

ચોથી સફરઃ

ચાર નવા ઈ-પ્રદેશોની અર્થાત બ્લોગની સફર…

૧. સૂર્યની વિદાય ટાણે ફરફર થાય એવી બાંધેલી કોર ફરકાવતા બળદો ને ગાયો સીમમાંથી ઘર તરફ જઈ રહ્યાં હોય ને પાછળ એનો ગોવાળ વાંસળીના સૂરો છેડતો હોય એવા ટાણે લખાયેલી વાણી અર્થાત ‘ ઝાલરટાણે’.
૨. જ્યાં દેસ-વિદેસની ને તૈણેય લોકની મજાની વાતો મંડાય છે ને મનડાંને મોજ આવી જાય છે એવો ચોરો એટલે કે ” ગોદડિયો ચોરો”
૩. ક્યારેક અમથી વાતોમાંય ઘણું કહેવાઈ જતુ હોય છે. જિંદગીની નાની નાની વાતો એટલું શિખવાડે છે કે જે ક્યારેક કોઈ મહાન ફિલસૂફી પણ ન શિખવી શકે. આવી ઘણી વાતો મળશે ‘જરા અમથી વાત’ પર.
અને
અંતે….
નીલરંગી શબ્દ સૃષ્ટિની સફર..” નાઈલના કિનારેથી”, જ્યાં વિષયોની કેટલી વિવિધતા અને એ પણ અતિ રસ-પ્રચુર શૈલીમાં. ક્રિએટિવિટી અને માહિતીનો ભંડાર , ઉપરાંત ભલમનસાઈ, મોહબ્બતના પૈગામ લઈ આવતી પોસ્ટ, જે આપણી અંદર પણ એના વાઈરસ ફરજિયાત નાખતી જાય છે.

http://webgurjari.in/2013/05/18/blog-parichay-3/

પાંચમી સફરઃ

ભલે આપણે ફિલ્મી ગીતો ને ગઝલોના શોખીન હોઈએ પણ ક્યારેક આપણા હોઠ પર અનાયાસ ભજનો પણ આવી જ જાય છે. ગમતાં દેવ-દેવીઓ કે આસ્તિકતા-નાસ્તિકતાને બાજુ પર રાખીએ તો પણ ભજન સાંભળવાનો અને ગાવાનો એક આનંદ અનોખો હોય છે. આપણી સંવેદનાઓને સૂરમાં વહાવીને ઈશ્વર સુધી પહોંચાડવાનું માધ્યમ છે ભજન.
તો આ સફરનો ઝોક રાખીએ ભક્તિરચનાઓવાળા ઈ-પ્રદેશો તરફ.

૧) આમ તો આ બ્લૉગમાં સર્જકની ફક્ત ભક્તિરચનાઓ જ નથી પણ ગીત, ગઝલ અને ભજનનો અનોખો સંગમ જેવો આ બ્લૉગ – “બંસરી બનીને”.

૨) અહીં ભજનો બહુ ભાવથી પ્રભુ સાથે રૂ-બ-રૂ થતા હોય એવી શૈલીમાં રચાયાં છે. દરેક રચનામાં રચયિતાનો પ્રભુ પ્રત્યેનો પ્યાર, અંતરતમ લાગણી અને ભાવ ઝરતો અનુભવી શકાય છે
એવો બ્લૉગ “દીનવાણી”.

૩) આ પ્રદેશમાં દૂર દૂર સુધી નજર નાખતાં જણાયું કે અહીં તો ચોમેર શાંતિનો વાસ છે. ભક્તિનું સંગીત સતત જાણે શબ્દોમાંથી ગુંજે છે. અધ્યાત્મનો કાયમી નિવાસ મહેસુસ થાય છે અહીં.
ભક્તિરસ સિવાય પણ બ્લૉગ-ભ્રાતાનું અલગ અલગ ઘટનાઓમાં માનવસ્વભાવનું સહજ ચિંતન ઊડીને આંખે વળગે છે. આ બ્લૉગ એટલે “ભજનામૃતવાણી”.

ગુજરાતી નૅટ વિશ્વની દિશા તરફના નવા દરવાજાઓ ખોલવાં માટે પહોંચો વેબગુર્જરી પર..
http://webgurjari.in/2013/06/06/blogparichay-%E0%AB%AF/

છઠ્ઠી સફરઃ

૧. જેમ ઇન્ટરનેટ માટેની સ્વિચ ઑન-ઑફ થાય એમ જ અને એટલા જ ઝડપી સંબંધો પણ ઑન થતાંની સાથે જ ઑફ થવાની તૈયારીમાં હોય છે.
પૂર્વગ્રહો, અપેક્ષાઓ, માન્યતાઓ કે પછી કુટેવો જેવાં ફિલ્ટરો જ સંબંધને સ્પામ ફોલ્ડરમાં હડસેલી દેવા માટે કાફી છે. આવા સ્પામ્સ ને જિંદગીમાંથી કઈ રીતે કાયમ માટે દૂર કરી શકાય એની બહુ હળવાશથી સમજ આપે છે આ બ્લૉગ

બ્લૉગઃ ‘સંબંધોના સથવારે’ – ડૉ. જગદીશ જોષી.

૨. અહીં પ્રવેશ કર્યો ત્યારે પહેલાં તો એ જ ન સમજાયું કે ક્યાંથી શરૂઆત કરું!!
અમારે હુરટમાં કહે ને કે, હાળું હમજાટું નઠી કે હુ ડેખવું ને હુ ના ડેખવું!!
કવિતા કે ગઝલનું પાનું ખોલવાનો વિચાર આવે ત્યાં વળી નજર નાટક ને ફિલ્મી ગીતો ઉપર પડે. ત્યાં ક્લિક કરવા જઉં એ પહેલાં વળી માઈન્ડ ગેમ અને જ્ઞાનના ખજાનાવાળા પત્તાં તરફ મન લલચાય. તો પછી આ જોક્સ ને ડાયરાએ શું ગુનો કર્યો ભ’ઈ?

બ્લૉગઃ ‘સુરતી ઊંધિયું’ – વિપુલ દેસાઈ.

૩) પુસ્તકોની રેકનું અફલાતુન બેકગ્રાઉન્ડ, રંગબિરંગી શબ્દો, તસવીરો અને એથીય વિશેષ રંગબિરંગી વિષયો… અહા…!!!
પહેલી જ પોસ્ટ હતી બેકપેકર્સની….અલ્લડ થઈને ફરવા માટે એક મિજાજ જોઈએ. વાહ… મન તરોતાજા થઈ ગયું. આખરે મિજાજને માફક આવે એવો જ લેખ ખરો ને, એટલે…!!

ક્યારેક ફિલ્મી ગીત-સંગીત વિષેની સુરીલી યાદોને વહેંચી છે તો ક્યારેક ટીવી સિરિયલોનું બખડ-જંતર બહાર પાડે છે. સાથે સાથે એક હળવા અને મસ્ત અંદાજમાં બુક રિવ્યૂઝ અને મૂવી રિવ્યૂઝ તો ખરા જ…
એવો આ ‘શિશિર રામાવતનો બ્લૉગ’.

વધુ ‘વેબગુર્જરી’ પરઃ http://webgurjari.in/2013/06/19/blogparichay-10/

સાતમી સફરઃ

૧) ભજમન નાણાવટીની કલમે – ‘ભજમન વાર્તાલાપ’
વાર્તાલાપ એટલા માટે કે અહીં ભાવકો પોતાના વિચારો, અભિપ્રાય મુક્તપણે લખી શકે. અન્ય ભાવકો સાથે સમતાથી સંવાદ પણ કરી શકે.
અહીં કોઈ સુફિયાણી સલાહોની ઝાપટો નથી પણ જીવનનાં ઘણાં પાસાંઓની સરળ અંદાજમાં સમજ આપવાની કોશિષ છે.સંબંધોનાં વિલક્ષણ પાસાંઓની સમજણ આપતો સરસ લેખ છે તો મજાના હલકા ફૂલકા અંદાજમાં વાર્તાઓનો ખજાનો પણ મન-હૃદયરૂપી ખિસ્સાઓમાં ઠાંસવાનું જરાય ચૂકવા જેવું નથી.

૨) વિનોદભાઈ રેવાભાઈ પટેલની કલમે – ‘વિનોદ વિહાર’
આ છે ગુજરાતી ગદ્ય અને પદ્યસર્જનની ઑનલાઈન આનંદ યાત્રા.
જ્યાં બોધકથા વાંચો કે પ્રેરણાદાયી લેખોનાં પત્તાંઓ ફેરવો.
ચિંતનલેખો વાંચીને મનન કરવા માંગતા હો તોય અહીં મોકળાશ મળશે.
હાસ્ય યાત્રામાં હાસ્ય-કટાક્ષ રચનાઓ વાંચી ફેફસાંઓને કાર્યક્ષમ બનાવો.
વાર્તાઓમાં રસ છે તો એનો આસ્વાદ કરો કે પછી મનસ્પર્શી સુવાક્યોને આંખો દ્વારા હૃદય સુધી પહોંચાડો.

૩) રજની અગ્રાવતની કલમે – ‘એક ઘા -ને બે કટકા’
જ્યાં મળશે હાસ્ય અને કટાક્ષમાં બોળેલા શબ્દોની તડાફડી અને વિચારોનું રમખાણ.
જાત-ભાતના વિષયોની છણાવટ છે અહીં.
નેટ પર ચાલતી લોલમ લોલ પર સર્ચલાઈટ મારી છે તો વળી છાપાંઓમાં છાશવારે થતા છબરડાઓને એક જાગ્રત વાચકની રૂએ બે-નકાબ પણ કર્યા છે. મિસ્ડ કૉલની માયા જાળમાં ઉલઝાવ્યા છે તો કંપનીઓના કસ્ટમર કેર વિભાગમાં આપણી ઉલઝણનો સુલઝાવવા જતાં ભોગવવી પડતી પરેશાનીનો અનુભવ કરાવ્યો છે.

વધુ પરિચય ‘વેબગુર્જરી’ પરઃ
http://webgurjari.in/2013/07/05/blog_parichay_11/

આઠમી સફરઃ

૧) જિંદગીનાં પ્રથમ ૧૫ વર્ષો જિંદગીના પાઠ નહીં પણ આંકડા, અક્ષરોના પાઠ શીખવાનાં વર્ષો છે. ત્યારે આપણો નાતો શાળા સાથે સખ્ત રીતે જોડાયેલો રહે છે.
શાળા, બાળક અને શિક્ષણ વિષે ઘણું કહેવાયું છે આ બ્લૉગમાં.
શાળા બાળકને શું આપે છે, એણે શું આપવું જોઈએ અને શું શું આપી શકી છે.
બાળકોના મેઘધનુષી વિકાસની રીતોથી લઈને શિક્ષક કઈ રીતે પરિવર્તક બની શકે ત્યાં સુધીના વિષયોનો, વાર્તાઓનો અને જાણકારીનો આસ્વાદ ભાવેશ પંડ્યાના બ્લૉગ પરઃ ” Be the change”.

2) ખૂબસૂરત કલ્પનાઓ અને હકીકતોને કાવ્યમય રીતે રજૂ કરવાની કોશિશ છે અહીં.
મહેસુસ કરેલી સંવેદનાઓને કાવ્યમય બનાવીને છંદબદ્ધ શબ્દસ્થ કરીને સરળ અંદાજમાં
ભાવવાહી રીતે બયાન કરી છે “શબ્દોના પાલવડે” બ્લૉગ પર દેવિકાબેન ધ્રુવે.

૩) મનની વાતો તેમની માતૃ અને પિતૃભાષામાં અર્થાત ગુજરાતીમાં માંડીને કરી છે અહીં
મૌસમ દર મૌસમ વાતો બદલાતી જાય. ટાઢ, તાપ કે વરસાદની વાત હોય તો
હેરાની, પરેશાનીની ય હોય. દોડવાના ભવ્ય પ્રોગ્રામની વાતો હોય તો વાંચવાની,
ફરવાની, રોજિંદાં કામોની વાતો ય હોય અને એ ય એમના અર્થાત કાર્તિક મિસ્ત્રીના
અંદાજમાં, ‘મારા વિચારો મારી ભાષામાં’ બ્લૉગ પર.

વધુ વિસ્તારથી ‘વેબગુર્જરી’ પરઃ http://webgurjari.in/2013/07/25/blog_bhraman_12/

નવમી સફરઃ

૧) જીવન-મૃત્યુ ની વાત છે અહીં તો શ્રદ્ધાંજલિથી શરૂઆત છે.
જીવનમંથનથી ઉદ્ભવેલી ગઝલ શબ્દસ્થ કરી છે અહીં તો કોઈ ને કોઈ સંદેશ લઈ આવતી વાર્તાઓ
ભરી છે.
ફિલ્મ, ટૅકનોલૉજી, મોંધવારી, રાજકારણ, યુવાનોની સામાજિક પ્રવ્રુત્તિઓ વિષે એમણે માહિતી અને
તથ્યોથી ભરપૂર લેખ લખ્યા છે.
સોહાગણનાં ગીતો તો ઘણાં સાંભળ્યાં પણ એમણે તો વિધવા અને વિજોગણનાંય સંવેદનાથી છલોછલ
ગીતો લખ્યાં છે.
આ બ્લૉગની સૌથી ધ્યાનાકર્ષક પોસ્ટ એટલે ‘સેવન ડેઝ, સિક્સ નાઇટ’.
નવ ભાગમાં છે આ પોસ્ટ. અત્યંત રસ પ્રચુર અને માહિતીથી ભરપૂર ટ્રૅવલૉગ જ કહી શકાય એને.
આ શબ્દો પાછળ હાથ એટલે કે કલમ છે મુકુલભાઈ જાનીની અને
બ્લૉગ “ગળથૂથીથી ગંગાજળ સુધી“.

૨) અહીં છે સર્જકોની સિસૃક્ષાને સંકોરવાનો અનોખો ઉપક્રમ. સિસૃક્ષા અર્થાત સર્જન કરવાની ઇચ્છા.
શબ્દો થકી સર્જન કરવાની સર્જકોની ઈચ્છા જાગ્રત કરતો આ મંચ છે.
૧૯૯૨માં સ્થપાયેલી, સર્જકોનું ઘડતરકાર્ય કરી રહેલી ભાવનગર ગદ્યસભાની સ્થાપના ફેબ્રુઆરી-૧૯૯૨માં
થયેલી, અને અત્યારે તો વટવૃક્ષ બનેલી ગદ્યસભાનાં કાર્યોને ઇ-પત્તાંઓ ઉપર ઉજાગર કરવાનો
બ્લૉગનો ઉદ્દેશ છે.
સમયાંતરે તેઓ વિવિધ કાર્યક્રમો અને સ્પર્ધાઓનું પણ આયોજન કરે છે, જેની વિગતો બ્લૉગ અને
ફેસબુક જેવા માધ્યમો વડે પ્રગટ થતી રહે છે. આ બ્લૉગ પર કોઈ પણ સર્જકની યોગ્ય કૃતિને પણ
સ્થાન મળે છે.
ભાવનગર ગદ્યસભાના સદસ્ય અને સર્જક સંવાદ કાર્યક્રમના સંયોજકની કામગીરી બજાવનાર એવા
અજયભાઈ ઓઝા સર્જક છે આ બ્લૉગ – ‘ગદ્ય સભા‘ ના.

વધુ વિસ્તરવા માટે અહીં…
http://webgurjari.in/2013/08/23/%E0%AA%AC%E0%AB%8D%E0%AA%B2%E0%AB%89%E0%AA%97-%E0%AA%AD%E0%AB%8D%E0%AA%B0%E0%AA%AE%E0%AA%A3-%E0%AB%A7%E0%AB%A9/


દસમી સફરઃ

૧) આંખો કંઈક જુએ છે અને કાન સાંભળે છે એ મગજમાં અંકિત, તરંગિત થઈને રંગબિરંગી શબ્દોની ઊઠતી છોળો રૂપે બહાર આવે ત્યારે એનું દર્શન કેવું હોય એ અહીં સમજાશે.
પુસ્તકો અને ફિલ્મોની એવી અજાયબ સફર પર લઈ જશે આ ગ્રહ.. કે જ્યાંથી આખાય ગ્રહનો ખૂણે-ખૂણો જોયા વિના પાછા વળવાનું મન નહીં થાય.
અજબ-ગજબ તસવીરોથી ભરપૂર આ ગ્રહની સફરનો એક એક મુકામ વળી એવો કે જ્યાં આપણને થાય કે થોડું વિરમીએ… અને એક એક શબ્દને, તસવીરને ઘૂંટડે ઘૂંટડે મસ્તીથી મગજમાં ઉતારીએ.
વળી અહીં તો શબ્દોનેય એવા રમતિયાળ અંદાજમાં વહેતા મુક્યા છે કે એના વહેણમાં અનાયાસ જ તરતાં થઈ જઈએ.
નિરવનો આ બ્લૉગ ‘nirav says ~ A Journey through Books & Movies . . !‘

૨) શૃંગાર, કરુણ, વીર, હાસ્ય, રૌદ્ર, ભયાનક, બીભત્સ, અદભુત અને શાંત આ નવે નવ પ્રકારના રસ એક જ વાર્તામાં લાવી શકાય? હા.. અહીં મળશે એવી વાર્તા.
વળી કોઈ વાર્તા બે પ્રેમમાં ગળાડૂબ હૈયાંના વિખુટા પડવાની વેદનાને, મનોભાવને હુબહુ તાદૃશ કરે છે.
તો કોઈ વાર્તામાં વાર્તામાં યુદ્ધમાં બચી ગયેલા એક યોદ્ધાનો, રણ મેદાનમાં ઢળી ગયેલા માનવ દેહોને જોઈને ઊઠતા ડુસકાંઓનો વેદનાથી લથબથ અવાજ છે.

‘સાહિત્યરસ થાળ’ નામના આ બ્લૉગમાં કલમ ચલાવી છે રીતેશ મોકાસણાએ.

3) આપણી જિંદગી ત્રાજવાનાં બે પલ્લાં સમાન હશે નહીં? જુઓ ને રોજેરોજ ક્યાંક ને ક્યાંક સતત વાતાવરણમાં ફેંકાતા આ શબ્દોઃ સુખ-દુઃખ, આશા-નિરાશા, આનંદ-વેદના; બધાય એકબીજાથી વિરુદ્ધ છતાંય સાથે ને સાથે.
એક વાતનો બહુ આનંદ હોય તો વળી સાથે જ બીજું કોઈ દુઃખ સંતાપતું હોય. કોઈ વાતની વેદના છોલી નાખતી હોય ને એની હારોહાર કોઈ મુઠ્ઠીઓ ભરી ભરીને ખુશીઓ છલકાવી દે એમ પણ બને.

હવે એ પણ કહી જ દેવા દો કે આ બ્લૉગ પર કોઈ એક જ વ્યક્તિના શબ્દો નથી પણ બે વ્યક્તિત્વ બખૂબીથી ભળીને એક નવો જ આયામ આપે છે શબ્દોને.
જી હાં… સૌમિલ અને મનીષાનો સુભગ સમન્વય એટલે આ બ્લૉગ ‘સૌમિષા‘

વધુ વાતો વેબગુર્જરી પર…
http://webgurjari.in/2013/09/20/%E0%AA%AC%E0%AB%8D%E0%AA%B2%E0%AB%89%E0%AA%97-%E0%AA%AD%E0%AB%8D%E0%AA%B0%E0%AA%AE%E0%AA%A3_14/

અગિયારમી સફરઃ

૧) અહીં યુદ્ધ અને ટૅકનોલૉજીની વાત પણ મળશે અને જીવન અને સચ્ચાઈની વાત પણ મળી જશે. ભારતની સરહદો અને સળગતા પ્રશ્નો વિશે વિશદ ચર્ચા કરી છે અહીં.
એમણે એકઠાં કરેલાં યાંત્રિક ઉપકરણોનો ખજાનો અહીં એક પેજ પર જોવા મળશે.

વિશ્વભરના ગુજરાતીઓને એક જ સ્થળ પર ઓનલાઈન ભેગા કરવા માટે “ગુજરાતીસંસાર ” એક નેટવર્ક સાઈટના સ્વરૂપે રજૂ કરાયેલ છે.
”નેટગુજરાત – એક નવો રસ્તો ટૅક્નોલૉજી તરફનો” એ આપણા આ બ્લૉગર મિત્રનો ટેક્નોલોજી શોખ માટેનો ગુજરાતી ટેક્નોલોજી બ્લોગ છે. ત્યાં તો ઇન્ટરનેટ, ટૅકનોલૉજી, ગેજેટ્સ, ઐતિહાસિક, વૈજ્ઞાનિક જેવી વાંચતાં થાકો નહીં એવી રંગરંગી માહિતીઓનો ભંડાર છે.

૨) હવેના આ બ્લૉગ પર એક નવો જ રંગ છે.
ઓસ્ટ્રેલિયામાં રહેતો ભારતીય મિજાજ આ બ્લૉગ પર વહેતો અનુભવી શકશો. ત્યાંના પ્રવાહોને આપણા અંદાજમાં આ બ્લૉગર મિત્રે બહુ સરળ ભાષા અને આગવા શબ્દોમાં મૃક્યા છે.
મનુષ્યો ઉત્સવપ્રેમી હોય છે એ વાત નોંધીને આ ભારતીય મનુષ્યે વિદેશમાં થતા ઉત્સવોને બ્લૉગ પર શબ્દસ્થ અને ચિત્રસ્થ પણ કર્યા છે.

એક પોસ્ટમાં ભારત અને ઓસ્ટ્રેલિયા વચ્ચેનો સંબંધ જોડીને બનાવેલી નવી “પ્રાચીન લોકવાયકાઓ” મૌજ કરાવે છે. તો સ્વર્ગમાં આંસુઓ નામના ફિજીની સત્ય કથા વિશેના પુસ્તકની વાત આંખ નમ કરી શકે છે.
ઓસ્ટ્રેલિયામાં વસતા દેશી અને વિલાયતી એમ બે પ્રકારના ભારતીયોનો ભેદ જાણવા જેવો છે. સાથે સાથે ત્યાંના દેશી મિત્રો વિશેની પોસ્ટમાં અવનવી રીતે ઊભરી આવતા મિત્રોની વાત તેઓ મોજીલા અંદાજમાં કહે છે.

૩) ઓસ્ટ્રેલિયા એક પુરુષની નજરે તો જોયું હવે એક એક સ્ત્રીની નજરે પણ જોઈ લઈએ.
એક જ વાત, એક જ સ્થળ કે એક જ સમાજ, સંસ્કૃતિ કે વ્યક્તિને અલગ અંદાજ, અલગ આયામ અને અલગ નજરિયાથી જોવાની ખરેખર મજા છે.
એમાંય આ બ્લૉગ તો એક પ્રવાસીનો બ્લૉગ છે, જેમણે રખડતાં- ભટકતાં જે કંઈ પણ જોયું, સાંભળ્યું, અનુભવ્યું અને વિચાર્યું એને આગવા અંદાજમાં આપણી સામે શબ્દોમાં પેશ કર્યું છે. એમાં ય સંવેદનશીલ મન અને વિચારને શબ્દોમાં મૂકવાની એમની આવડત આપણનેય એમની સાથે નવી નવી સફર કરાવે છે.

૪) ટૅકનોલૉજી, સંસ્કૃતિ, લાગણીઓ, પ્રવાસ, સંબંધોની વાત પરથી હવે આવીએ શિક્ષણની વાત પર…
શિક્ષણ સાવ સરળ ભાષામાં અને ખાસ કરીને ચિત્રો દ્વારા આપી શકાય તો એની છાપ લાંબા ગાળા સુધી આપણા મનમાં જળવાઈ રહે છે. બાકી ગોખણિયું જ્ઞાન કેટલું ટકે એ તો આપણે જાણીએ જ છીએ ને..!!
આ બ્લૉગ કમ વેબસાઈટ પર નજર ગઈ ત્યારે ઊગ્યું આ જ્ઞાન.
બાળકો અને મોટાઓને પણ અહીં જાત-ભાતનું જાણવાનું અનેક દિશાઓમાંથી આંગળીની એક ક્લિકે મળી રહે એવી પાંખો ફેલાવી છે આ બ્લૉગરે..

તો અવનવા બ્લૉગ અને એની દિલચસ્પ વાતો જાણવા માટે કરો એક ક્લિક અહીં..

http://webgurjari.in/2013/10/22/%E0%AA%AC%E0%AB%8D%E0%AA%B2%E0%AB%89%E0%AA%97-%E0%AA%AD%E0%AB%8D%E0%AA%B0%E0%AA%AE%E0%AA%A3_15/

બારમી સફર…

એક બ્લૉગમાં છે મન મહીં રહેલી રણઝણતી સંવેદનાનો રંગ તો બીજો બ્લૉગ લઈને આવશે કલ્પનાના કવચમાં છુપાયેલો ગહેરા વાસ્તવનો રંગ…..

તેજલ ભટ્ટનો બ્લૉગ ” સાહિત્ય ઝરૂખો

ચિંતન શેલતનો બ્લૉગ “શબ્દાર્થ

http://webgurjari.in/2013/11/12/%E0%AA%AC%E0%AB%8D%E0%AA%B2%E0%AB%89%E0%AA%97-%E0%AA%AD%E0%AB%8D%E0%AA%B0%E0%AA%AE%E0%AA%A3%E0%AA%A8%E0%AB%80-%E0%AA%B5%E0%AA%BE%E0%AA%9F%E0%AB%87-16/

Advertisements
21 ટિપ્પણીઓ

21 thoughts on “મારું બ્લોગ-ભ્રમણ

  1. દરેક સાઈટમાં શું જોવા મળશે, એ દ્રષ્ટિએ પૂરતો, પણ સાઈટની મુલાકાત લેવા લલચાવે તેટલો અધુરો એવો, પરિચય માણવાની મજા પણ મૂળ બ્લૉગની મુલાકાત કેટલી જ રસદાયક બની રહે છે – લારીમાં રસદાર કેરી કે તરબુચ કે ટેટી જોઇને જેમ મોમાં પાણી છૂટે, અને તેમને ખરીદીને ક્યારે ઘરે જઇ ને પેટભરીને માણીએ, આ ઉનાળાની ધખધખતી ગરમીમાં એવું થાય છે ને! બસ, કંઇક એવી જ તૃપ્તિમાટેની તરસ જગાવવામાં ”બ્લૉગ-ભ્રમણ’ સફળ નીવડે છે.

  2. પિંગબેક: (392) બ્લોગ ભ્રમણની વાટે …વિનોદ વિહારનો પરિચય….મૌલિકા દેરાસરી | વિનોદ વિહાર

  3. Maulikaben,
    Namaste !
    Read your Post of “BLOG BHAMAN”.
    This visit to your Blog is via Vinod Patel’s Blog “Ninod Vihar”‘s New Post.
    I am really thankful to him for that.
    I invite you to my Blog CHANDRAPUKAR…Hope you will have the time to visit it.
    Enjoyed this Post.
    DR. CHANDRAVADAN MISTRY
    http://www.chandrapukar.wordpress.com
    Hope to see YOU & your READERS @ Chandrapukar !

  4. બ્લોગ ભ્રમણની વાટે જુ. ભાઈ અને વલીભાઈ જેવા સેવાભાવીઓનો પરિચય થયો..અને વેબ ગુ્ર્જરી સાથે સંકળાઈને મનરંગી સુધી આવવાનું થયુ તેનો આનંદ છે. ધન્યવાદ! બ્લોગ ભ્રમણની વાટે વાટે…મળતા રહીશું

  5. આખરે આપણું મન જ આપણી હયાતીની સાક્ષી ! મારા બ્લોગ વિશે વિસ્તૃત અને છણાવટપૂર્વક લખાણ બદલ આપનો આભાર. આપનું આ કાર્ય ખરેખર સરાહનીય છે. બ્લોગીંગની મજા મેં ભરપૂર માણી છે.

  6. પિંગબેક: મારું બ્લોગ-ભ્રમણ | આપણું વેબ વિશ્વ

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s